காயத்ரி பற்றி
கவிதை எழுதலாம்
எனில்
கவிதை வேறு
கவிதை வேறா
காயத்ரிகள்
அழகாய்த்தான் இருக்கிறார்கள்
அழகாய் இருப்பவரெல்லாம்
காயத்ரிகளாய் இருந்திருக்கக்
கூடாதா
கால் கொலுசு
கண்ணாடி வளையல்
மல்லிகைப் பூ
மஞ்சள் தாவணி
இவை எவையும் இல்லாமல்
அழகாய் இருக்க
காயத்ரிக்கே சாத்யம்
பெரும்பாலும்
காயத்ரிகள்
காதலுக்கெட்டாத துரத்தில்
சிரிக்கிறார்கள்
எல்லாம் தெரிந்த
காயத்ரிகலளுக்கு
கொஞ்சம்
வெட்கப்பவும் தெரிந்திருக்கலாம்
காயத்ரிக்கும்
காயத்ரிக்கும் நடக்கிற போட்டியில்
காயத்ரிகளே ஜெயிக்கிறார்கள்
காயத்ரியைப் பிடிக்கும் என்பதற்கு
கண்ணம்மாவை
பிடிக்காகது என்பதல்ல பொருள்
காயத்ரிகள் காயத்ரிகள்தான்
கல்யாணத்துக்கு
முன்னும் பின்னும்
காயத்ரிக்குத்தான் தெரியும்
காயத்ரியாய் இருப்பதன் கஷ்டம்.
நன்றி கவிதா பாரதி
